БАРРАСИИ ТАЪРИХУ ТАМАДДУНИ
МИЛЛАТ ДАР ПАЁМ ПЕШВОИ МЛЛАТ
Мо ҳайати профессорон ва кормандони факултети таърих ва ҳуқуқи ДДБ ба номи Носири Хусрав бо ифтихори баланди ватандорӣ Паёми имсолаи Асосгузори сулҳу ваҳдати миллӣ – Пешвои миллат, муҳтарам Эмомалӣ Раҳмонро дастаҷамъона тариќи оинаи нилгун тамошо кардем ва аз ҷавҳари нуҳуфтаи ин абармарди таърих ғизои маънавӣ гирифтем. Қобил ба ёдоварист, ки дар баробари кори давлатдорӣ Пешвои миллат Эмомалӣ Раҳмон ба таҳқиқи таърих ва тамаддуни миллати тоҷик таваҷҷуҳи махсус доранд. Далели ин гуфтаҳо пешниҳодҳои асосноки ин муаррихи давру замон вобаста ба таҷлили 5500-солагии Саразми бостонӣ ва пазируфтани ин иқдом аз ҷониби СММ мебошад.
Дар Паём ироа гардид, ки миллати тоҷик ҳамчун миллати тамаддунофар дар арсаи ҷаҳонї эътибори баланд дорад. Пешвои миллат хотирнишон сохтанд маҳз аз ҷониби олимону бостоншиносони ҷаҳонӣ эътироф гардидани таърихи Саразми бостонӣ эътибору эҳтироми миллати моро дучанд сохтааст. Дар робита бо ин иброз доштанд, ки маҳз дар аҳди қадим дар вазъиятҳои душвор миллати фарҳангии тоҷик қобилият ва дониши сохтани чунин шаҳрҳоро доштанд, месазад. ки имрўз дар фазои тинҷиву осудагӣ бо ибрат аз таърихи гузашта шаҳрҳои ободу зеборо ба ояндагон ба мерос гузорем.
Дар такя бо анъанаҳои неки ниёгонамон иброз доштанд, ки маҷмаи умумии СММ ҷиҳати истиқбол аз ҷашнвораи шоир ва мутаффакири халқи тоҷик Камоли Хуҷандӣ қарори махсус қабул намудаанд, ки ин ифтихори ҳар фарди боору номуси тоҷик мебошад. Зимнан иброз доштанд, ки таваҷҷуҳи миллати тоҷик ба китобдорӣ ва китобхонӣ аз аҳди қадим маншаъ мегирад. Вобаста ба ин дастуру супоришҳо додаанд, ки дар тамоми ташкилоту муассисаҳо китобхонаҳо таъсис дода шаванд ва ҳар як фард соли 5 адад китобҳои бадеӣ мутолиа намояд.
Масъалаи дигаре, ки на танҳо мо ҳайати профессорон ва кормандони факултети таърих ва ҳуқуқ, балки кулли мардуми Тоҷикистонро рўҳбаланд кард, ин ба нашр расонидани китоби аллома Бобоҷон Ғафуров “Тоҷикон” ва ба ҳар як оилаи мамлакат ройгон тақсим намудани ин хирвори маърифат аз номи Пешвои миллат Эмомалӣ Раҳмон мебошад. Асари гаронмояи Бобоҷон Ғафуров “Тоҷикон” барои боз ҳам баланд бардоштани рӯҳияи худшиносӣ ва худогоҳии миллати тоҷик нақши хело калон хоҳад дошт. Ин асар дар асл “Шиносномаи миллат” ба ҳисоб рафта, бо дастури Пешвои муаззами миллат китоби рўйимизии кулли сокинони кишвар мегардад.
Мо низ ҳар банди Паёми имсолаи Асосгузори сулҳу ваҳдати миллӣ, Пешвои миллат Эмомалӣ Раҳмонро ҳамчун дастури роҳнамо қарор дода, ҷиҳати истиқболи ин санаҳои муҳими таърихӣ бо дили гарм ва эҳтиром ба таъриху тамаддуни миллати фарҳангии тоҷик тадбирҳои судманд меандешем.
Саидмуминов А.,
декани факултети таърих ва
ҳуқуқ, дотсент