Хурсандмурод Фақиров, омӯзгори
факултетифилологияи тоҷики ДДБ ба номи Носири Хусрав
Наврӯз
Пайки Наврӯз омаду ҳамдам шавем,
Фориғ аз дарду ғами олам шавем.
Дар набарди зиндагонӣ лаҳзае,
Ҳамчу гул бишкуфтаву хуррам шавем.
Абрҳо боронфурӯшӣ мекунанд,
Коми ҳар як ташналабро нам шавем,
Аз балоҳои замину осмон
Чун сипар андар сари одам шавем,
Дар лабони мардуми хушбахти худ
Боз чун лабханди дигар зам шавем.
Баски ин Наврӯз эҳёгар бувад,
Хизри наврӯзии ин олам шавем.