Имрӯз, 7 – уми октябр, муовини ректор оид ба таълими Донишгоҳи давлатии Бохтар ба номи Носири Хусрав дотсент Ҳамдамзода Хурсанд Акбар бо мутахассисони маркази забономӯзии омӯзиши забони Кореягӣ ҷаноби Джу Муи Сум ва хонум Квон Бен Ок созишномаи тарафайн ба имзо расониданд.
Қарордоди мазкур дар асоси шартномаи ҳамкорӣ ва мувофиқа бо Вазорати маориф ва илми Ҷумҳурии Тоҷикистон дар барои рушди марказҳои забономӯзӣ роҳандозӣ шудааст.
Пас аз ба имзо расидани созишнома тарафҳо ҷиҳати мустаҳкам намудани фаъолияти марказ аз ҷумла, хуб ба роҳ мондани омӯзиши забони кореягӣ миёни донишҷӯёни донишгоҳу хонандагони Литсейи назди он ва устодон мавриди таваҷҷуҳ қарор дода шуд.
Гуфта шуд, ки минбаъд низ кор бо донишҷӯёну устодон боз ҳам ҷоннок мегардад ва хоҳишмандон метавонанд омада худро номнавис намуда, ба омӯзиш машғул гарданд.
Ёдовар мешавем, ки Сафири Корея дар Ҷумҳурии Тоҷикистон ба Донишгоҳи давлатии Бохтар ба номи Носири Хусрав, хусусан, ба Маркази омӯзиши забон ва фарҳангӣ корея дар санаи 15 –уми майи соли ҷорӣ ташриф оварда буданд.