ҲАМДАМЗОДА Хурсанд Акбар
декани факултети гумрук ва таҳлилӣ иқтисодӣ
ҲАМДАМЗОДА Хурсанд Акбар декани факултети гумрук ва таҳлилӣ иқтисодии Мутаваллиди соли 1987 буда, баъди хатми гимназия-литсейи «Ҳиммат»-и ноҳияи Мӯъминобод ба шуъбаи менеҷменти факултети иқтисодии Донишгоҳи давлатии Бохтар ба номи Носири Хусрав дохил шуд. Соли 2009 онро бомуваффақият хатм намуда, сипас, ба кафедраи назарияи иқтисоди ҳамин донишгоҳ ба ҳайси омӯзгор фаъолияти кории худро оғоз менамояд. Ўро ба вазифаи раиси Иттифоқи касабаи факултети иқтисодӣ интихоб намуданд.
Баъди ба ду факултети мустақил тақсим шудани факултетҳои менеҷмент ва иқтисод ва баҳисобгирии бухгалтерӣ аз 10 январи солии 2011 ба вазифаи ҷонишини декан оид ба тарбияи факултети иқтисод ва баҳисобгирии бухгалтерӣ таъйин гардид. Ба василаи меҳнати софдилона, дониши хуб, ахлоқи писандидаву ҳамида, муомилаи нек, маданияти баланд, муоширати қобили қабул ва дигар фазилатҳои некаш сазовори обрӯ ва эҳтироми ҳайати профессору устодон ва шогирдон гардид. Маҳз масъулиятҳояш дар иҷрои вазифа ҳамчунин, иштироки фаъолона дар корҳои ҷамъияияшро ба назар гирифта ӯро мудири кафедраи фаъолияти бонкӣ ва аз соли 2019 ба вазифати декани факултети иқтисодӣ таъйин менамоянд. Хурсанд Муллоев дар муддати фаъолияти омӯзгории худ шогирдони зиёдеро тайёр кард, ки аксарияти онҳо имрӯз роҳбари корхонаю муассисаҳои гуногуни молиявию бонкӣ ва дигар сохторҳои давлатии вилояту ҷумҳурӣ мебошанд.
Хурсанд Муллоев зери роҳбарии профессор И.С. Ашўров дар мавзӯи «Таъсири интенсивӣ ба самаранокии чорвои ширӣ дар минтақа» (аз рӯи маводҳои корхонаҳои кишоварзии вилояти Хатлон) рисолаи номзадиро дар санаи 30.06.2018 сол дар Шӯрои диссертатсионии 6D КОА 014 назди Донишгоҳи аграрии Тоҷикистон ба номи Ш.Шотемур бомувафффақият ҳимоя намудааст. Муаллифи беш аз 30 мақолаи илмию методӣ ва дастурҳои таълимӣ мебошад.
