Имрӯз 27 – уми марти соли ҷорӣ дар толори китобхонаи Донишгоҳи давлатии Бохтар ба номи Носири Хусрав бо мақсади амалигардонии бандҳои дахлдори “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” вохӯрӣ бо намояндаи Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳру ноҳияҳои минтақаи Бохтари вилояти Хатлон баргузор гардид.
Дар вохурӣ Сарнозири шуъбаи муқовимат бо коррупсияи Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳру ноҳияҳои минтақаи Бохтари вилояти Хатлон Собирҷон Давлатзод Ғаффор, муовини ректор оид ба илм ва инноватсия Ҳукмиддин Сафарбекзода, муовини ректор оид ба тарбия Наргис Нурализода, деканони факултетҳо, мудирони кафедраҳо, сардорони шуъбаву идораҳо ва омӯзгорону донишҷӯён иштирок доштанд.Нахуст, сухани ифтитоҳиро муовини ректор оид ба илм ва инноватсия Ҳукмиддин Сафарбекзода, оғоз намуда, зикр намуданд, ки имрӯз ҳамаи мову шумо вазифадор ҳастем, ки дар мубориза бо коррупсия бетараф набошем. Сипас, Сарнозири шуъбаи муқовимат бо коррупсияи Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳру ноҳияҳои минтақаи Бохтари вилояти Хатлон Собирҷон Давлатзод, оид ба ҳолатҳои коррупсионӣ ва роҳҳои мубориза алайҳи ин зуҳурот, корҳои пешгирии коррупсионӣ дар байни кормандони соҳаи маориф, оқибатҳои даст задан ба амалҳои ришваситонӣ ва хисороту хислатҳои манфии ин зуҳурот ба ҷомеа ва давлат ба иштирокчиён маълумоти муфассал доданд.
Қайд гардид, ки коррупсия дар ҷаҳони муосир дар роҳи рушди иқтисодию иҷтимоии кишвар ва риояи ҳифзи ҳуқуқу озодиҳои инсон ва шаҳрванд аз ҷумлаи монеаҳои ҷиддӣ маҳсуб меёбад. Аз рӯзҳои аввали ба даст овардани Истиқлоли давлатӣ масъалаи муқовимат бо коррупсия дар меҳвари сиёсати хирадмандонаи Президенти Ҷумҳурии Тоҷикистон қарор дорад.
Дар анҷоми вохӯрӣ намояндаи Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳру ноҳияҳои минтақаи Бохтари вилояти Хатлон ба саволҳои омӯзгорону донишҷӯён ҷавобҳои мушаххас гардонид.
