Имрӯз, 19 – уми феврали соли 2025 дар Донишгоҳи давлатии Бохтар ба номи Носири Хусрав бахшида ба 32 – юмин солгарди Рӯзи таъсисёбии Қувваҳои Мусаллаҳи Ҷумҳурии Тоҷикисон чорабинии ҳарбӣ – ватандӯстӣ баргузор гардид.
Дар чорабинӣ ректори донишгоҳ профессор Қурбонзода Маҳмадалӣ Раҳмат, муовинони ректор оид ба таълим, илм ва инноватсия,
робитаҳои байналмилалӣ, тарбия, деканони факултетҳо ва дигар зерсохторҳои он иштирок доштанд.
Нахуст, ректори донишгоҳ профессор Қурбонзода Маҳмадалӣ Раҳмат ҳозиринро ба фарорасии ин санаи муҳимми таърихӣ табрик намуда, иброз дошт, ки ба муносибати таъсисёбии Қувваҳои мусаллаҳи Ҷумҳурии Тоҷикистон 23-юми феврали соли 1993 дар пойтахти кишвар шаҳри Душанбе, бори нахуст паради ҳарбӣ гузоронида шуда расман ин сана чун таъсисёбии он эълон карда шуд.Артиши миллӣ сипари боэътимоди миллат, осудагии давлат ба ҳисоб рафта бо чунин ҷавонмардон ифтихор мекунем. Дар ин муддати кӯтоҳи таърихӣ ҷузъу томи он ба нерӯи қудратманди низомӣ, муҳофизи сулҳу субот ва фазои оромиву осудаи кишвар табдил ёфта, ҳоло ба Ватан ва халқи худ содиқона хизмат мекунанд. Чунки ин родмардони миллат моро барои ором зистан, суботи ҷомеа, кафили суботи мо ба ҳисоб мераванд.Ҳамин аст, ки Сарфармондеҳи олии Қувваҳои Мусаллаҳи Ҷумҳурии Тоҷикистон генерали Артиш муҳтарам Эмомалӣ Раҳмон ба ин ниҳод эътимод дорад ва пайваста дар рӯҳияи ватандӯстӣ омода намудани афсарону сарбозон таъкид менамояд.Сипас, аз ҷониби донишҷӯёни факултети педагогика ва варзиш машқҳои элементи, муҳорибаҳои тан ба танро намоиш доданд.
Ба як қатор устодони донишгоҳ барои хизматҳои шоён дар самти педагогӣ бо сипоснома ва ифтихорномаҳо сарфароз гардонида шуданд.
Дар идома қисмати фаҳангии чорабинӣ дар толори фарҳангии донишгоҳ баргузор гардид, ки аз ҷониби дастаи ҳаваскорони “Левакант” – и назди донишгоҳ суруду таронаҳо дар ситоиши ватан суруда шуда хотири иштирокчиёнро болида гардониданд.
