Имрӯз, 21 – уми феврали соли 2025 дар факултети химия ва биологияи Донишгоҳи давлатии Бохтар ба номи Носири Хусрав дар асоси эълони шуъбаи идоракунии сифати таҳсилоти донишгоҳ дарси кушоди профессори факултети мазкур Ғафуров Бобомурод дар мавзуи “Хусусиятҳои сафедаҳо ва биосинтези сафедаҳо” доир гардид.
Дар дарси кушод сардори шуъбаи идоракунии сифати таҳсилоти донишгоҳ, дотсент Гулов Қодир ва Асадуллозода Шамсулло, декани факултети забон ва адабиёти рус Собирзода Х.М. ва дигар устодон низ иштирок намуданд.Профессор Ғафуров Бобомурод вобаста мавзуи дарс, аввал моҳият ва паҳлӯҳои масъалаи матраҳшавандаро шарҳу тавзеҳ дода, сипас ибораю мафҳумҳои илмии мавзуро ба донишҷӯён фаҳмониданд.Дар идома профессор Ғафуров Бобомурод хусусияти сафедаҳо ва биосинтез шудани онҳо бо дигар моддаҳои маҳлулшавандаро ба таври таснифӣ марҳалабандинамуданд.
Умумияти аслии сафедаҳо қисми таркибии организми зинда буда, дар фаъолияти организм ва дар тамоми равандҳои ҳаёти инсон нақши муассир дорад, гуфт Ғафуров Бобомурод.Аз лиҳози самаранокии вақт ва усули навини таълим, махсусан истифодаи тахтаи электронӣ вобаста ба мавзуи болозикр таҳлилу баррасии илмӣ карда шуд.
Дар охир донишҷӯён роҷеъ ба таснифи сафедаҳо ҷавобҳои мушаххас гирифтанд.
