Имрӯз, 22 – юми феврали соли 2025 дар толори варзиши Донишгоҳи давлатии Бохтар ба номи Носири Хусрав бахшида ба Рӯзи Артиши миллӣ, мусобиқаи дастхобонӣ, аз ҷониби иттифоқи касабаи донишгоҳ миёни донишҷӯёну омӯзгорони факултетҳо баргузор карда шуд.
Дар чорабинии варзишӣ, раиси Кумитаи иттифоқҳои касабаи донишгоҳ Шарипов Маҳмадкарим ва ҷонишинони деканони факултетҳо иштирок намуданд.Нахуст, сухани ифтитоҳиро раиси Кумитаи муттаҳидаи иттифоқҳои касаба Шарипов Маҳмадкарим кушода ёдовар гардид, ки ин навъи варзиш, яъне дастхобонӣ, миёни донишҷӯёну устодони 14 факултетҳои донишгоҳ бо ташаббуси раёсати донишгоҳ бахшида ба “Рӯзи Артиши миллии Ҷумҳурии Тоҷикистон” баргузор мегардад.
Пас аз сухани ифтитоҳӣ Шарипов М., иброз дошт, ки ташкилу баргузории чунин мусобиқаҳо дар баробари рушду оммавияти варзиш ба тарбияи ахлоқиву маънавии донишҷӯён замина мегузорад.Сипас, ҳозиринро бо қоидаҳои бозии дастхобонӣ шинос намуда дар идома дастаҳо миёни ҳам рақобат нишондода, аз ҷониби ҳайати доварон дастаҳо муайян карда шуд.
Барои ҷойи якум факултети информатика;ҷойи дуюм факултети химия ва биология;ҷойи сеюм факултети Забони англисӣ муайян карда шуда, ғолибон бо сипосномаву ифтихорнома, Ҷоми бозии дастхобонӣ ва ҳавасамндиҳо аз ҷониби кумитаи иттифоқҳои касабаи донишгоҳ ба устодону донишҷӯён ғолиб сарфароз гардонида шуд.
