Бегоҳии дирӯз дар доираи нақша – чорабиниҳои шуъбаи тарбияи донишгоҳ вохӯрии Сардори ШОПҲНҶ Раёсати ВКД дар вилояти Хатлон подполковники милитсия Нусратзод Анвар, Миралиён Мирзо – муҳандиси шуъбаи назорати давлатии бехатари аз сӯхтори Раёсати оташфишонии вилояти Хатлон бо донишҷӯёни хобгоҳи донишгоҳ доир гардид.
Чорабиниро муовини ректор оид ба корҳои тарбиявӣ Нурализода Наргис оғоз намуда, иброз дошт, ки баргузории мулоқоти мазкур бо мақсади пешгирии ҷавонон аз ҳар гуна кирдорҳои номатлуб, тарбияи миллии хештаншиносӣ, риояи дурӯсти истиқомат дар хобгоҳ, тозагии ҳуҷраҳо, роҳрав ва ошхонаҳо доир карда мешавад.Зимни вохӯри Сардори ШОПҲНҶ Раёсати ВКД дар вилояти Хатлон подполковники милитсия Нусратзод Анвар, Миралиён Мирзо – муҳандиси шуъбаи назорати давлатии бехатари аз сӯхтори Раёсати оташфишонии вилояти Хатлон баромад намуда, доир ба нигоҳдории муқаддасоти миллӣ, ҳифзи соҳибистиқлолӣ, арзишҳои миллӣ, расидан ба қадри ваҳдати миллӣ ва риояи талаботи қонунгузории кишвар сӯҳбат намуданд.
Аз донишҷӯён даъват ба амал оварда шуд, ки корҳои неку созанда ва ниятҳои неку бунёдкоронаро пешаи худ кунанд, гирду атрофи хобгоҳ ва дар умум муассисаро тозаву озода нигоҳ доранд ва намунаи ибрат барои дигарон бошанд.
