Имрӯз, 5-уми марти соли 2025 дар толори фарҳангии Донишгоҳи давлатии Бохтар ба номи Носири Хусрав чорабинии тантанавӣ бахшида ба Рӯзи модар таҳти унвони “Модар – сароғози ҳастии башар” баргузор гардид.
Дар чорабинии тантанавӣ, ректори донишгоҳ, профессор Қурбонзода Маҳмадалӣ Раҳмат, муовинон, сардорони марказу раёсат, деканони факултет ва устодону донишҷӯён иштирок намуданд.Нахуст, ректори донишгоҳ, профессор Қурбонзода М.Р. суханронӣ намуда, иброз доштанд, ки арзиши ҳастии инсоният ба зан-модар алоқамандии ногусастанӣ дорад.
Дар идомаи суханронӣ аз номи ҳайати профессорону устодони донишгоҳ бонувону занонро ба Рӯзи модар самимона табрик намуда, дар фаъолияти минбаъдаи кории таълимиву тарбиявӣ, илмию таҳқиқотӣ бурдбориҳо таманно намуданд.Дар идомаи чорабинӣ барои фаъолияти босамар занону бонувон бо ифтихорномаву сипоснома ва дигар туҳфаҳо қадрдонӣ шуданд.
Чорабинии тантанавӣ аз ду қисмат иборат буд ва дар бахши фарҳангӣ дастаи ҳаваскорони “Левакант”- и донишгоҳ ва ҳунармандони шинохтаи кишвар дар васфи Зан- модар суруду таронаҳо пешкаши ҳозирин намуда, хотири иштирокчиёнро болида гардониданд.
