Имрӯз 17 – уми марти соли 2025 дар факултети химия ва биологияи Донишгоҳи давлатии Бохтар ба номи Носири Хусрав мизи мудаввар таҳти унвони “Ташаббусҳои ҷаҳонии Пешвои миллат дар соҳаи обу иқлим” баргузор гардид.
Қисмати ифтитоҳӣ:
Чорабиниро муовини декан оид ба илм ва инноватсия дотсент, Пиров Ғ.З оғоз намуд. Ӯ аҳаммияти обро ҳамчун сарчашмаи ҳаёт ва нақши Тоҷикистонро дар ташаббусҳои байналмилалӣ таъкид намуд.Маърӯзаҳо:
Дотсент Давлатова Д.М. дар мавзӯи «Ташаббусҳои ҷаҳонии Пешвои миллат дар соҳаи обу иқлим» баромад намуда, саҳми Тоҷикистонро дар ташкили конфронсҳои ҷаҳонӣ ва пешниҳодҳои он дар масъалаи обу иқлим шарҳ дод.Омӯзгори кафедра Исломов Муборакшо маърӯзаи худро таҳти унвони «Ҳифзи пиряхҳо – ҳифзи ояндаи башарият» пешкаш кард. Ӯ масъалаи нобудшавии пиряхҳо ва оқибатҳои он ба захираҳои обии минтақа ва ҷаҳонро баррасӣ намуд.Донишҷӯ Қурбонов Анушервон (курси 2-юм, ихтисоси биология-экология) дар мавзӯи «Пиряхҳои Тоҷикистон – манбаи об дар Осиёи Марказӣ» баромад кард. Ӯ муҳимияти пиряхҳои Тоҷикистонро барои минтақаи Осиёи Марказӣ ва таҳдидҳои иқлимиро таҳлил намуд.Муҳокима ва пешниҳодҳо:
Дар қисмати муҳокима иштирокдорон пешниҳод намуданд, ки ҳамкории бештар бо ташкилотҳои байналмилалӣ барои ҳифзи пиряхҳо тақвият дода шавад.Барномаҳои омӯзишӣ ва маърифатӣ дар байни ҷавонон оид ба ҳифзи муҳити зист бештар роҳандозӣ шаванд.
Тадқиқоти илмӣ оид ба ҳолати пиряхҳо ва таъсири тағйирёбии иқлим васеътар гузаронида шаванд.
