Дар факултети забони англисии Донишгоҳи давлатии Бохтар ба номи Носири Хусрав маҳфили навбатии “Дӯстӣ” бахшида ба таҷлили ҷашни Наврӯзи байналмилалӣ баргузор гардид.
Дар чорабинӣ донишҷӯён маърӯзаҳои худро оид ба таърихи пайдоиши Наврӯз, анъанаҳои миллии тоҷикон ва нақши ин ҷашни бостонӣ дар ҷомеаи муосир манзур карданд. Ҳамчунин, онҳо таҳлили илмии худро дар шакли тезисҳо пешниҳод намуданд.Маҳфил таҳти роҳбарии омӯзгор Саидова Мавҷуда доир гардида, дар он номзади илмҳои филология Муродов А., номзади илмҳои педагогика Каршиева Г. ва номзади илмҳои педагогика Алиева Г. иштирок ва суханронӣ карданд.
Чорабинӣ дар фазои дӯстона баргузор шуда, ҳозирин аз маводи илмӣ ва муҳокимаҳои судманд баҳра бурданд.
