Дар толори бинои асосии Донишгоҳи давлатии Бохтар ба номи Носири Хусрав санаи 1-уми апрели соли 2025 таҳти роҳбарии профессор Қурбонзода Маҳмадалӣ Раҳмат ҷаласаи кории раёсат баргузор гардид. Дар кори ҷаласа муовинони ректор оид ба таълим, илм ва инноватсия, тарбия, иқтисод, муносибатҳои байналмилалӣ, деканони факултетҳо ва сардорони шуъбаву идораҳои дахлдор иштирок доштанд.
Дар ҷаласаи корӣ масъалаҳои ҳолати феълии корҳои илмӣ-тадқиқотӣ ва илмӣ-методии факултети педагогика ва варзиш ва ҳолати феълии раванди таълиму тарбия ва низому тартиби ҳуҷҷатгузорӣ дар факултетҳои математика ва информатика мавриди баррасӣ ва муҳокимаи аъзои ҷаласа қарор гирифт.Доир ба масъалаи аввали ҷаласа раиси комиссия, мудири кафедраи сиёсатшиносӣ ва муносибатҳои байналхалқӣ Алихон Саидов, вобаста ба натиҷаи корҳои илмӣ-тадқиқотӣ ва илмӣ-методии факултети педагогика ва варзиш гузориш дод. Оид ба масъалаи дуввуми ҷаласа мудири кафедраи химияи умумӣ ва ғайриорганикӣ Дилшод Давлатов маълумот дод.Дар музокираи масъалаҳои баррасигардида аъзои ҷаласа дотсентон Х. Ҳамдамзода, Ҳ. Сафарбекзода, Н. Нурализода иштирок намуда, корҳои анҷомдодашударо дар ин самтҳо қаноатбахш арзёбӣ намуданд.
Пас аз музокираи аъзои ҷаласа барои бартараф кардани камбудиҳои ошкоршуда Раёсат ба деканон ва мудирони кафедраҳо дастуру супоришҳои мушаххас дод. Натиҷаи таҳлил ва ҷамъбасти кори Раёсати донишгоҳ нишон дод, ки бештари қарорҳои қабулгардида ба тасвиб расида, баҳри бартараф намудани камбудию нуқсонҳои ҷойдошта дар фаъолияти кафедраву факултетҳои донишгоҳ нақши мусбат бозиданд.
Ҳамин тариқ, дар ҷаласа муҳимтарин масъалаҳои марбут ба илм, таълим ва тарбия мавриди баррасӣ қарор гирифта, қарорҳои дахлдор қабул карда шуданд.
