24-уми сентябри соли 2025, зимни суханронӣ дар мубоҳисаҳои иҷлоси 80-уми Маҷмаи Умумии Созмони Милали Муттаҳид Пешвои миллат муҳтарам Эмомалӣ Раҳмон аз рӯ ба рӯ шудани ҷаҳони муосир ба ҳолати ноустувориву номуайянӣ ва печидагиҳои рӯзафзун нигаронӣ ва зикр намуданд, ки ихтилофоти геосиёсӣ, талошҳои азнавсозии низоми муносибатҳои байналмилалӣ, мухолифату низоъҳо дар минтақаҳои гуногуни олам ва дигар хавфу хатарҳои амниятӣ барои сулҳу осоиши пойдор таҳдидҳои ҷиддӣ эҷод кардаанд.
Таъкид гардид, ки “дар чунин шароити мураккаб ва тағйирёбанда нақши Созмони Милали Муттаҳид ҳамчун минбари муколама, ҳамкорӣ ва таҳкими сулҳу амният дар ҷаҳон беш аз пеш аҳамият пайдо мекунад”. Дар ин суханронӣ бори дигар зарурати тақвияти нақши калидӣ ва ҳамоҳангсози Созмони Милали Муттаҳид дар таъмини сулҳу осоиши фарогир таъкид шуд.
Роҳбари давлати мо муҳтарам Эмомалӣ Раҳмон, ҳамчунин аз ин минбари баланд иброз доштанд, ки “кишварҳои моро зарур аст, ки дар амалияи байналмилалӣ ҷиҳати ҳифзи ин асолат – бозгашт ба риояи комили ҳуқуқи байналмилалӣ якҷо ва пайваста талош варзанд”. Дар ин раванд, инчунин, таҳкими ҳамкории баробарҳуқуқ миёни давлатҳои хурду бузург ҳамчун иқдоми муҳим ва саривақтӣ арзёбӣ гардид.
Қобили зикр аст, ки ба шарофати мақому манзалати бениҳоят баланди Пешвои миллат муҳтарам Эмомалӣ Раҳмон дар арсаи байналмилалӣ равобиту ҳамкории кишвари мо бо Созмони Милали Муттаҳид дар сатҳи хубу сифати баланд қарор дошта, бо иттифоқи оро дастгирӣ ёфтани ташаббусу пешниҳодоти зиёд далели раднопазири ин гуфта аст.
Раёсати Ҷумҳурии Тоҷикистон дар зерсохторҳои ин созмони бонуфуз, аз ҷумла Хазинаи кӯдакони СММ (ЮНИСЕФ) идомаи мантиқӣ ва ҷузъе аз ин раванд маҳсуб мешаванд.
Далери Абдулло,
номзади илмҳои сиёсӣ
The Permanent Mission of Tajikistan to the United Nations сейчас с UNICEF Tajikistan и UNICEF.
For English, please scroll down
Анҷомёбии раёсати Тоҷикистон дар Шурои иҷроияи ЮНИСЕФ
12 январи соли 2026 дар қароргоҳи Созмони Милали Муттаҳид ҷаласаи ниҳоии давраи раёсати Тоҷикистон дар Бюрои Шурои иҷроияи Хазинаи кӯдакони СММ (ЮНИСЕФ) зери раисии Намояндаи доимии Ҷумҳурии Тоҷикистон дар СММ Ҷонибек Ҳикмат, ба ҳайси аввалин президенти Шуро аз миёни намояндагони кишварҳои Осиёи Марказӣ, баргузор гардид.
Зимни суханронии худ Намояндаи доимии Ҷумҳурии Тоҷикистон дар СММ аз раёсати кишвар дар Шурои иҷроияи ЮНИСЕФ натиҷагирӣ намуда, қабули Нақшаи стратегии ЮНИСЕФ барои солҳои 2026–2029 ва тасдиқи Буҷети ҳамгирошударо барои солҳои 2026–2029 дар ин давра махсусан қайд намуд.
Мавриди зикр аст, ки раёсати Тоҷикистон дар Шурои мазкур ба давраи афзоиши бесобиқаи ихтилофот дар муносибатҳои байналмилалӣ ва ислоҳоти амалии фарогири низоми Созмон рост омад. Вале сарфи назар аз вазъи мураккаби марбута, ба Шуро муяссар гардид, ки нақшаҳои гузошташударо муваффақона амалӣ намояд.
Зикр гардид, ки дар соли сипаришуда Шурои иҷроия 25 қарор қабул намуда, 21 барномаи кишвариро тасдиқ кардааст, ки ин натиҷаи назаррас ва уҳдадории дастаҷамъонаи ҷомеаи байналмилалиро нисбат ба ҳифз ва пешбурди ҳуқуқу манфиатҳои кӯдакон дар саросари ҷаҳон инъикос менамояд.
Дар баробари ин Шурои иҷроия ҷаласаи солонаи хешро дар моҳи июн ва ду ҷаласаи маъмулиро аввали феврал ва сентябри соли 2025 ва нишастҳои байнисессиявӣ, брифингҳои ғайрирасмӣ ва машваратҳоро дар давоми сол ҷиҳати баррасии масъалаҳои мавриди таваҷҷуҳи аъзои Шуро баргузор намудааст.
Боиси ёдоварист, ки зимни раёсати кишвар дар Шурои иҷроия, тибқи Нақшаи қаблан ҳамоҳангшудаи раёсати кишвар, як қатор чорабиниҳои вежаи зерин дар ҳамкорӣ миёни Ҳукумати Ҷумҳурии Тоҷикистон ва ЮНИСЕФ муваффақона ташкил гардиданд:
– Чорабинии махсуси панелӣ таҳти унвони «Ҳар бозӣ ба ҳар кӯдак» (дар ҳамкорӣ бо Федератсияи футболи Тоҷикистон);
– Сафари мудири иҷроияи ЮНИСЕФ ба Тоҷикистон;
– Чорабинии канорӣ зери унвони “Ҳуқуқи кӯдак ва фанноварӣ: имкониятҳо дар Тоҷикистон ва берун аз он” (дар ҳамкорӣ бо Вазорати маориф ва илми Ҷумҳурии Тоҷикистон);
– Чорабинии махсуси сатҳи баланд таҳти унвони “Таъмини об ва беҳдошт барои ҳар як кӯдак” (дар ҳамкорӣ бо Ҳукумати Ҷумҳурии Тоҷикистон).
Дар фарҷоми нишаст Намояндаи доимии Тоҷикистон дар СММ ба ҳамаи шарикон барои ҳамкории созанда ва дастгирии доимӣ зимни раёсати кишвар дар Шурои иҷроияи ЮНИСЕФ изҳори сипос намуда, омодагии кишварро барои идомаи шарикии созанда бо ин ниҳоди бонуфузи байналмилалӣ ва дигар ҷонибҳои ҳавасманд ироа кард. Ба роҳбари нави Шурои иҷроияи ЮНИСЕФ дар соли 2026 бурдбориҳо таманно карда шуд.
Намояндагони кишварҳои узв ва роҳбарияти ЮНИСЕФ зимни суханрониҳои худ саҳми Тоҷикистонро дар таъмини ҳамоҳангии кори Бюро, пешбурди рӯзномаи ҳифзи ҳуқуқу манфиатҳои кӯдакон ва таҳкими раванди мудирияти муассир дар сохтори ЮНИСЕФ баланд арзёбӣ карданд.
______________________________________
Completion of Tajikistan’s Chairmanship of the UNICEF Executive Board
On 12 January 2026, the final meeting under Tajikistan’s chairmanship of the UNICEF Executive Board Bureau took place at United Nations Headquarters, led by the Permanent Representative of Tajikistan to the UN, Mr. Jonibek Hikmat, the first representative from Central Asian countries to serve in this role.
In his speech, the Permanent Representative of the Republic of Tajikistan to the UN summarized the results of the country’s chairmanship of the UNICEF Executive Board and specifically noted the adoption of the UNICEF Strategic Plan for 2026–2029 and the approval of the Integrated Budget for 2026–2029 during this period.
It is noteworthy that Tajikistan’s tenure as Chair of the Board coincided with a period of heightened tensions in international relations and practical institutional reforms across the Organization. Yet, despite these challenging circumstances, the Board succeeded in carrying out its planned work.
It was noted that over the past year, the Executive Board adopted 25 decisions and approved 21 country programs, reflecting a significant achievement and the collective commitment of the international community to protecting and promoting the rights and interests of children worldwide.
In addition, the Executive Board held its annual session in June and two regular sessions in early February and September 2025, as well as intersessional meetings, informal briefings, and consultations throughout the year to discuss issues of interest to the members of the Board.
It is worth noting that during the country’s chairmanship of the Executive Board, in accordance with the previously agreed chairmanship plan, a number of following special events were successfully organized in cooperation between the Government of the Republic of Tajikistan and UNICEF:
– Special panel event entitled “Every Game for Every Child” (in cooperation with the Football Federation of Tajikistan);
– Visit by the UNICEF Executive Director to Tajikistan;
– Parallel event entitled “Children’s Rights and Technology: Opportunities in Tajikistan and Beyond” (in cooperation with the Ministry of Education and Science of the Republic of Tajikistan);
– Special high-level event entitled “Water and Sanitation for Every Child” (in cooperation with the Government of the Republic of Tajikistan).
At the conclusion of the meeting, the Permanent Representative of Tajikistan to the UN expressed gratitude to all partners for their constructive cooperation and continued support during the country’s chairmanship of the UNICEF Executive Board, and also expressed the country’s willingness to continue constructive partnership with this influential international organization and other stakeholders. The incoming Chair of the UNICEF Executive Board was extended best wishes for a successful tenure in 2026.
In their statements, representatives of Member States and UNICEF leadership commended Tajikistan for its effective coordination of the Bureau’s work, its advocacy for the protection of children’s rights and interests, and its efforts to reinforce sound governance across the UNICEF system.
